मित्रांनो,

                      गेल्या दोन वर्षापासुन आंतरराष्ट्रीय विमानतळाची पुरंदर तालुक्यात घोषणा झाल्यांनंतर गावोगावी तर्कवितर्कांना आणि गावगप्पांना उधाण आलेले आहे. नेहमीच सार्वजनिक हिताच्या प्रकल्पांना विरोध दर्शविणाऱ्या राजकारण्यांच्या टोळ्या, स्वयंघोषित संघटना आणि उतावीळ सामाजिक कार्यकर्ते यांना चर्चेत राहण्यासाठी विमानतळामुळे आयताच मुद्दा मिळाला. गावागावातील शेतकऱ्यांना भेदरून सोडत जणू काही आभाळच कोसळणार आहे अशा पद्धतीने प्रतिक्रियांचा रतीब घातला जात आहे. या सर्व पार्श्वभूमीवर देशातील पहिले सार्वजनिक–खाजगी भागीदारीतील (पीपीपी तत्वावरील) आंतरराष्ट्रीय विमानतळ म्हणजेच कोचीन आंतरराष्ट्रीय विमानतळाची उभारणी कशी झाली याबाबतची सविस्तर मालिका सलग चार दिवस आणि चार भागात प्रकाशित करण्याचा विचार करत होतो. टेहळणी या माझ्या ब्लॉगच्या माध्यमातून उद्यापासून हा थरारक प्रवास आपल्याला वाचायला मिळेल.